पाल्पा । प्रहरीले पाल्पामा ट्रक चेकजाँचका क्रममा १८ वटा गोरु नियन्त्रमा लिएको जनाएको छ । नियन्त्रणमा लिइएका गोरु मध्य १ मरेको र १७ वटा जीवित रहेको प्रहरीको भनाइ छ ।
बुधबार बिहान करिब साढे ४ बजे तिनाउ गाउँपालिका वडा नं. ३ मा पर्ने बेलबास–दोभान कच्चि सडक हँुदै सिद्दार्थ राजमार्ग तर्फ आउँदै गरेको लु १ ख ८३४० नम्बरको ट्रकलाई चेकजाँच गर्ने क्रममा गोरु फेला परेपछि नियन्त्रणमा लिइएको प्रहरी चौकी दोभानले जनाएको छ ।
ट्रकसंगै चालक बझाङ फलरा गा.पा. ३ घर भई हाल कैलाली बेबाणि गाउँपालिका ७ बस्ने बर्ष २७ को बिशाल बहादुर धामी, कपिलवस्तु शिवराज नगरपालिका ७ बस्ने वर्ष २४ को राधेश्याम रैदास र वर्ष १९ को सद्दाम हुसेनलाई नियन्त्रणमा लिई थप अनुसन्धान तथा आवश्यक कार्वाहीको लागि भन्सार कार्यालय भैरहवा पठाइएको प्रहरी नायव उपरीक्षक सुगन्ध श्रेष्ठले जानकारी दिनुभयो ।
