पाल्पा । तिनाउ गाउपालिकाको छैठो अध्यक्षकप रनिङ शिल्ड भलिबल प्रतियोगिता शुक्रबारदेखि हुने भएको छ ।
प्रतियोगिता माघको ५ र ६ गते हुने भएको छ । गाउपालिकाले आयोजना गर्ने भलिबल प्रतियोगितामा यस वर्ष पुरुष र महिलाको पनि प्रतियोगिता सञ्चालन गरिने गाउँपालिका अध्यक्ष प्रेम श्रेष्ठले जानकारी दिनुभयो ।
प्रतियोगितामा तिनाउ गाउँपालिका भित्र रहेका ६ वटै वडाबाट २÷२ समूह पुरुष र १÷१ समूह महिलाको सहभागिता रहने युवा समन्वय समिति तिनाउका अध्यक्ष विकास अर्यालले जानकारी दिनुभयो । प्रतियोगितामा पुरुषतर्फ प्रथम हुने समूहलाई पचास हजार, दोस्रो हुनेलाई तीस हजार र तेस्रो हुनेलाई विस हजार रुपैयाँ प्रदान गरिने छ ।
यस्तैगरी महिलातर्फ प्रथम हुनेलाई तीस हजार, दोस्रो हुनेलाई विस हजार र तेस्रो हुनेलाई दश हजार रुपैयाँ नगद दिइने छ ।
वडा न ६ को डुम्रे खेलमैदानमा हुने प्रतियोगिता तिनाउ गाउँपालिकाको आयोजना र युवा समन्वय समितिको व्यवस्थापनमा हुने छ ।
