पाल्पा । शनिबार तिनाउ गाउँपालिकामा एकै दिन तीन जनाको मृत्यु भएको जिल्ला प्रहरी कार्यालय पाल्पाले जनाएको छ ।
मृत्यु हुनेमा २ पुरुष र १ महिला रहेका छन । जसमध्य एक पुरुष र एक महिलाको झुिण्डएर मृत्यु भएको हो भने १ जना पुरुषको रुखबाट लडेर मृत्यु भएको हो ।
तिनाउ गाउँपालिका ३ चिरीडाँडाको जंगलमा हाल नाम, थर र वतन नखुलेको पुरुष र महिला रुखमा झुण्डिएको अवस्थामा फेला परेका हुन भने तिनाउ ५ कोलडाँडाका ४६ वर्षिय शेर बहादुर गाहा चिनडेया गैरा स्थित जंगलमा दालचिनीको रुखमा चढी दालचिनीको हाँगा काट्ने क्रममा अचानक रुखबाट खसी घटनास्थलै मृत्यु भएको जिल्ला प्रहरी कार्यालय पाल्पाबाट सूचना अधिकारी सुगन्ध श्रेष्ठले जानकारी दिनुभयो ।
घटना सम्बन्धी थप अनुसन्धान कार्य जारी रहेको प्रहरीको जनाएकाे छ ।
