पाल्पा । तानसेन नगरपालिकाको आयोजनामा भएको नगरस्तरीय प्रथम मेयर कप रनिङ्ग शिल्ड प्रतियोगिता अन्तरगतको फुटवल प्रतियोगितामा तानसेन ९ दमकडाले विजयी सुरूवात गरेकाे छ ।
बुधबारबाट सुरु भएको प्रतियोगिताको पहिलो खेलमा वडा नम्बर १४ अर्गली र वडा नम्बर ९ दमकडा बिच भएकाे थियाे । जसमा दमकडाले अर्गलीलाइ ५–० गोलले पछि पारेर विजयी भएको हो ।
दमकडाका लागि आषिश राना र अंकित मश्राङ्गीले दुई दुई गोल गरे भने जोन मश्राङ्गीले एक गोल थपेका थिए । अर्गलीका खेलाडीले गोल गर्नबाट चुकेका छन् । बिहिबार ७ र ३, शुक्रबार ५ र १ (ख), शनिबार ४ र २, आइतबार ६ संग ५ र १ (ख) को बिजेता, सोमबार १ (क) संग ४ र २ को बिजेता बीच प्रतियोगिता हुने नगर खेलकुद समितिका अध्यक्ष हेमन्तराज शाक्यले जानकारी दिनुभयो । प्रतियोगितामा १० टिमको सहभागिता रहेको छ ।
मेयर कप प्रतियोगिता अन्तर्गत फुटबल, क्रिकेट र व्याडमिन्टन प्रतियोगिता हुने नगर खेलकुद विकास समितिका अध्यक्ष शाक्यले जानकारी दिनुभयो । फुटबल प्रतियोगितामा प्रतियोगितामा विजेतालाई नगद एक लाख, मेडल, ट्रफी र प्रमाणपत्र पुरस्कार प्रदान गरिनेछ । उपविजेताले नगर ५० हजार, ट्रफी मेडल र प्रमाणपत्र पाउनेछ ।
खेल क्षेत्रका विकासका लागि नगरपालिको यो वर्ष १५ लाख बजेट विनियोजन भएको र यही रकमबाट रनिङ्ग शिल्ड प्रतियोगिता गरिएको शिक्षा शाखा संयोजक कोपिला न्यौपानेले जानकारी दिनुभयो ।
