पाल्पा । जिल्ला प्रहरी कार्यालय पाल्पामा ६८ औँ प्रहरी दिवसको अवसरमा भव्यताका साथ कार्यक्रम सम्पन्न भएको छ ।
दिवस अवसरमा आयोजित कार्यक्रममा जिल्ला प्रहरी कार्यालय पाल्पाको परिसर भित्र पाल्पाका प्रमुख जिल्ला अधिकारी बन्धु प्रसाद बास्तोलाको प्रमुख आतिथ्यतामा सम्पन्न भएको हो ।
कार्यक्रममा पाल्पा प्रहरी प्रमुख हेरम्ब शर्मा एवं जिल्ला स्थित सुरक्षा निकायका प्रमुखहरू,पत्रकारहरू प्रहरीका सहयोगी सङ्घ संस्थाका अध्यक्ष तथा प्रतिनिधिहरू,उद्योगी, व्यवसायी र समाजसेवी व्यक्तित्वहरू,अमर प्रहरी परिवारका सदस्यहरू एवम् पूर्व प्रहरी कर्मचारीको सहभागिता रहेको थियो ।
कार्यक्रममा अमर प्रहरीहरूप्रति शोक सलामी तथा पुष्प हार/पुष्प गुच्छा अर्पण गर्ने,अमर प्रहरीका अभिभावकलाई दोसल्ला ओढाइ सम्मान गर्नुका साथै शुभकामना आदानप्रदान गरिएको थियो ।
