पाल्पा । रैनादेवी माध्यमिक विद्यालयका भुवन पोखरीका शिक्षक थमन बहादुर साठीघरेलाइ स्कुटर प्रदान गरिएको छ ।
भुवनपोखरिका विद्यार्थीहरूले साठीघरेलाइ सम्मान गर्दै अपाङ्गमैत्री चार पाङ्ग्रे स्कुटर प्रदान गरेका हुन् । उहाँ २२ वर्षदेखि उक्त विद्यालयमा अध्यापन गराउँदै आउनुभएको छ ।
२०७० सालमा आफ्नो जन्म गाउँ खानी गाउँमा जाँदा जिप दुर्घटनामा परेर आफ्नो ढाडभन्दा तलको भाग नचल्ने भएको थियो ।
पूर्व विद्यार्थी तथा रैनादेवी छहरा भुवन पोखरी रुपन्देही सम्पर्क समाज र विद्यार्थीको चन्दा रकम सहयोगबाट चार पाङ्ग्रे स्कुटर शिक्षकलाई हस्तान्तरण गरेको विद्यालय स्रोतले जनाएको छ ।
