पाल्पा । माथागढी गाउँपालिकाले घरघरमै सामाजिक सुरक्षा भत्ता वितरण गरेको छ ।
पालिकाले ८०/८१ को प्रथम त्रैमासिकको सामाजिक सुरक्षा अन्तर्गतको भत्ता घरदैलोमै पुगेर वितरण गरेको हो । ज्येष्ठ नागरिक, ज्येष्ठ नागरिक एकल महिला, विधुवा महिला, ज्येष्ठ नागरिक दलित (६० वर्षमाथि), दलित बालबालिका, अपांग क र ख वर्गका लाभग्राहीहरुलाई गाउँ टोलमै पुगेर भत्ता वितरण गरिएको गाउँपालिका अध्यक्ष यमबहादुर चिदीले बताउनुभयो ।
माथागढी गाउँपालिकाको ४, ५, ६, ७ र ८ का लाभग्राहीलाई दसैँ खर्चको लागि गाउँघरमै पुगेर सामाजिक सुरक्षा भत्ता वितरण गरेपछि स्थानीयहरू दङ्ग परेका छन् ।
गाउँपालिकाले मेघा बैङ्क मार्फत १ हजार ४ सय ९७ र ग्लोबल आइएमई बैङ्क मार्फत १ हजार ५ सय ६५ जना लाभग्राहीलाई कुल दुई करोड ९८ लाख, २६ हजार ७ सय ९१ रुपैंया वितरण गरिएको गाउँपालिकाका प्रमुख प्रशासकीय अधिकृत रामप्रसाद घिमिरेले जानकारी दिनुभयो ।
