पाल्पा । माथागढी गाउँपालिका वडा नं ४ झंडेवाको वार्षिक समीक्षा तथा सार्वजनिक सुनुवाइ सम्पन्न भएको छ ।
आर्थिक वर्ष ०७९/८० मा सञ्चालन भएका योजना तथा कार्यक्रमको समीक्षा गाउँपालिकाको भवन परिसरमा गरिएको थियो । वडाले सामाजिक सुरक्षा भत्ता नवीकरण तथा वितरण, शिक्षा, स्वास्थ्य, खानेपानी, श्रमदान, खेल सामग्री वितरण, सडक पूर्वाधार, विभिन्न सङ्घसंस्थाहरू सँग गरेका सहकार्यका बारेमा वडा न ४ का वडाध्यक्ष शङ्कर दर्लामीले वार्षिक प्रतिवेदन प्रस्तुत गर्नुभएको थियो ।
कार्यक्रममा गाउँपालिका अध्यक्ष यम बहादुर चिदीले गाउँपालिकामा आफ्ना समस्या ल्याएका नागरिकलाई सेवा गर्न गाउँपालिका तत्पर रहेको बताउनुभयो ।
