पाल्पा । तिनाउ गाउँपालिकामा अवैध ढुंगा निकासी गर्ने जेसिबी र टिप्परलाई प्रहरीले नियन्त्रणमा लिएको छ ।
तिनाउ गाउँपालिका वडा नं. ३ हेडबक्स नाग मन्दिर नजिकै सिद्धार्थ राजमार्गमा जेसिबी प्रयोग गरि अवैध रुपमा ढुंगा उत्खनन गरिरहेको अवस्थामा प्रहरीले पक्राउ गरि नियन्त्रणमा लिएको हो । राति अन्दाजी १२ बजेको समयमा प्रहरीले पक्राउ गरेको जिल्ला प्रहरी कार्यालय पाल्पाका प्रहरी नायब उपरिक्षक सुगन्ध श्रेष्ठले जानकारी दिनुभयो ।
प्रहरीले आवश्यक कारबाहीको लागि जेसिबी र टिप्परलाई नियन्त्रणमा लिएर तिनाउ गाउँपालिकामा बुझाएको जनाएको छ । बा.प्र.०१–००३ प ९१९४ नम्बरको चेनवाला जेसिबी, प्रदेश ३ ०१–०३ क ६७७७ नम्बरको जेसिबी, लु २ ख ३६६२ र लु २ ख ३९६४ नम्बरको टिप्पर नियन्त्रणमा लिएर गाउँपालिकालाई बुझाएको हो ।
