पाल्पा । रिब्दीकोट गाउँपालिका ३ वडा कार्यालयले उपभोक्ता समितिलाई तालिम दिएको छ ।
टोल स्तरमा आर्थिक वर्ष २०८०/८१ मा सञ्चालन हुने योजनामा काम गर्ने उपभोक्ता समितिलाई तालिम दिइएको हो ।
उपभोक्ता समितिका अध्यक्ष, सचिव र कोषाध्यक्षलाई तालिम दिइएको हो । वडाका उपभोक्ता सिमितले योजना सम्झौतादेखि सम्पन्न गर्दा सम्म अपनाउनुपर्ने प्रक्रिया र प्रतिवेदन तयार, फरफारक सम्मको विषयमा सहजीकरण गरिएको छ ।
एक दिने तालिममा गाउँपालिका उपाध्यक्ष कान्ता अधिकारी, प्रमुख प्रशासकीय अधिकृत मदन अर्याल, योजना शाखा प्रमुख काशिनाथ आचार्य, प्राविधिक शाखा प्रमुख इन्जिनियर पुरन कार्कीलगायत सहजीकरण गर्नुभएको थियो । तालिम वडाध्यक्ष नारायण बहादुर केसीको अध्यक्षता चलेको हो ।
