पाल्पा । रिब्दीकोट गाउँपालिकाले वार्षिक प्रगति समीक्षा सम्पन्न गरेको छ ।
गाउँपालिकाले आर्थिक बर्ष ०७९/८० का योजना तथा कार्यक्रमहरुको वार्षिक प्रगति समीक्षा गरेको हो । कार्यक्रममा विषयगत शाखाका प्रमुखहरुले शाखाको प्रगति प्रतिवेदन प्रस्तुत गरेका थिए ।
प्रस्तुत प्रतिवेदनमाथी सहभागीले प्रश्न, जिज्ञासा र सुझाव राखेका थिए भने प्राप्त जिज्ञासाका विषयमा शाखागत प्रमुखहरुले जवाफ दिएका थिए ।
कार्यक्रममा गाउँपालिका अध्यक्ष नारायण बहादुर कार्कीले आफ्नो कार्यकालको पहिलो वर्ष उत्साहजनक रुपमा वितेको भन्दै आगामी वर्ष थप सक्रियताका साथ अघि बढ्ने बताउनुभयो । अध्यक्ष कार्कीले गाउँपालिकाले अघि सारेको योजना तथा कार्यक्रम समयमै सम्पन्न गरी सफल गाउँपालिका बनाउन कर्मचारीहरुले महत्वपूर्ण भुमिका खेलेको बताउनुभयो ।
कार्यक्रममा गाउँपालिका उपाध्यक्ष कान्ता अधिकारीले कर्मचारीको मनोबल वृद्धि गर्न गाउँपालिका सधै सकारात्मक भएको बताउनुभयो ।
