भरत शर्मा
पाल्पा । सिल्खानटोल सहयोग समाज तानसेन,पाल्पाको २३ औं साधारण सभा तथा अधिवेशन सम्पन्न भएको छ ।
अधिवेशनले भोजराज पराजुलीकाे नेतृत्वमा नयाँ कार्यसमिति चयन गरेको छ । निर्वाचित समाजको उपाध्यक्षमा भरत शर्मा, महिला उपाध्यक्षमा सुनिता काफ्ले, सचिवमा कृष्णप्रसाद ज्ञवाली, कोषाध्यक्षमा शंकर खनाल र सह सचिवमा सोमप्रसाद पाण्डे निर्वाचित रहेका छन् । यस्तै सदस्यहरुमा माधव अर्याल, अनिता नेपाल, सूर्य नेपाल, थानेश्वर गैरे र अरुणा भट्टराई चयन भएको समाजले जनाएको छ ।
अधिवेशनका अवसर समाजलाई अभिभावकत्व प्रदान गर्ने देवराज ढकाल, रामजी प्रसाद ज्ञवाली, किर्तीनाथ नेपाल र शान्तीदेवी काफ्लेलाई सम्मान गरेको छ । कार्यक्रममा समाजका सल्लाहकार हरि प्रसाद नेपालले सिल्खानटोलमा रहेका २८ घर परिवार मिलेर बनाएको समाजको आफ्नै पहिचान रहेको हुँदा आपसी सहयोग र सद्भाव कायम राख्नु पर्ने बनाए ।
अधिवेशन भोज राज पराजुलीको अध्यक्षता, सचिव कृष्ण ज्ञवालीको स्वागत र उपाध्यक्ष भरत शर्माको सञ्चालन चलेको हो । २०५३ सालमा स्थापना भएको समाजले सामाजिक एवं धार्मिक कार्यमा आफ्नो सक्रिय देखाउदै आएको छ ।
