पाल्पा,लक्ष्मी मोटो केयर प्रा.लि तानसेन ३ होलांङ्गदीले महिन्द्राको आधिकारिक सर्भिस सेन्टरको औपचारिक शुभारम्भ गरेको छ ।
नेपालका महिन्द्रा एण्ड महिन्द्रको आधिकारिक वितरक अग्नी समूह संगको सहकार्यमा सेन्टरको सुरुवात गरिएको लक्ष्मी मोटो केयर प्रा.लिका प्रबन्ध निर्देशक तारा खरेलले बताए ।
विगत सात वर्ष देखी पाल्पामा सेवा प्रवाह गर्दै आएको सेन्टरको औपचारीक उद्घाटन अग्नी ग्रुप भैरहवाका प्रदेश म्यानेजर विजेश ग्वायमरुले गरेका हुन् । उनले सेन्टरबाट आधुनिक प्रविधिमार्फत सहज रुपमा स्तरीय सेवा ,सुविधा उपलव्ध हुने बताए ।
सर्भिस सेन्टरले सबै महिन्द्रा अटोमोबाइल्सका स्कर्पियो, बोलेरो पिकअप, एक्सयूभी ५००, टियुभी ३००, केयुभी १००, थार, आदिका ग्राहकहरुको लागि सेवा र जेन्युन स्पेयर पार्टस्को सुविधा प्रदान गर्ने प्रवन्ध निर्देशक खरेलले बताए । यस सेन्टरबाट पाल्पा लगायत गुल्मी,स्याङ्गजा,अर्घाखाची,पर्वत,बाग्लुंङ्ग आसपासका ग्राहकहरुले सहज सेवा सुविधाको लाभ लिन सक्ने विश्वास संचालकको रहेको छ ।
