पाल्पा । तिनाउ गाउँपालिका –६, मस्याम झ्याङलामा पहिरोले ट्याक्टर र दुइ जेसीबी पुरिदा एक जनाको मृत्यु भएको छ । पहिराेले पुरिएर एक जना घाइते भएका छन् ।
मृत्यु हुनेमा बर्दिया बाँसगढी नगरपालिका घर भै तानसेन नगरपालिका, ८ डुम्रेमा बस्दै अाएका २७ वर्षीय महेन्द्र पुनको मृत्यु भएको प्रहरीले जनाएकाे छ । पहिरोले पुएिर घाइते भएका पुनको उपचारको क्रममा शनिबार बिहान मृत्यु भएको लुम्बनी मेडिकल कलेजले जनाएकाे छ ।
डुम्रेको भित्री सडक खण्डमा ढुंगा लोड गरेको लु ४ त ६६२९ नम्बरको हिलोमा फसेको ट्याक्टर निकाल्ने क्रममा लु १ क २४९६ र लु १ क २४९७ नम्बरको जेसीबीलाई माथिबाट आएको पहिरोले पुरेको प्रहरी नायव उपरीक्षक रामेश्वर त्वातीले जानकारी दिए ।
पहिरोमा परी लु १ क २४९६ नम्बरको जेसीबी चालक रैनादेवी छहरा गाउँपालिका–१, का २० वर्षीय सरोज बुढा घाइते भएका छन । घाइते बुढाको लुम्विनी मेडिकल कलेज प्रभासमा उपचार भइरहेको छ । प्रहरी चाैकी प्रभासका अनुसार दुबै तर्फबाट जेसीवी लगाएर पहिराेमा पुरिएका ट्याक्टर र जेसीवी निकाल्ने प्रयास भइरहेकाे छ ।
