सरस्वती दंगाल
पाल्पा (करुवा), दोस्रो लहरको कोरोना संक्रमण बढेपछि यो महामारी रोक्न व्यक्ति, संस्था र देश विदेशमा बस्नेले सहयोग दिएका छन् । नेपाल रेडक्रस सोसाइटी पाल्पा शाखाले पाल्पा अस्पताललाई दुई वटा कन्सन्ट्रेटर प्रदान गरेको छ । पाल्पाका प्रमुख जिल्ला अधिकारी योगेन्द्र प्रसाद पाण्डेय, नेपाल रेडक्रस सोसाइटी पाल्पाका सभापति बुद्धी प्रसाद शर्माले पाल्पा अस्पतालका मेडिकल अधिकृत अमृत पन्थी र अमोद नेपाललाई प्रदान गरे । कार्यक्रममा कन्सन्ट्रेटर बाहेक १४ सेट पिपिई, एन नाइन्टीफाइभ मास्क ५० पिस, ग्लोव्स एक प्याक, मेडिकल मास्क २ हजार पिस, शव राख्ने ब्याग ४ सेट पाल्पा अस्पताललाई नै प्रदान गरेको रेडक्रस पाल्पाका कार्यक्रम अधिकृत विनोद भारतीले जानकारी दिए ।
सामाग्री हस्तान्तरण गदैर् प्रमुख जिल्ला अधिकारी पाण्डेयले केही दिन अघि कोरोनाको ग्राफ धेरै माथि पुगेको र अहिले केही भएपनि स्थिर रहेको बताए । रेडक्रसका सभापति वुद्धीप्रसाद शर्माले सानै भएपनि सहयोग गर्न सकियो भने विपद्का बेलामा साथमा साथ हातमा हात मिलाएको अनुभूति हुने भएकाले केही सामाग्री सहयोग गरेको बताए । जिल्लामा कोरोना संक्रमण फैलिदै गएपछि सामाजिक क्षेत्रमा क्रियाशील मीना पन्थीको मन थामिएन । स्वास्थ्य संस्थामा अक्सिजनको अभाव भए । स्वास्थ्य सामाग्री थिएनन् । उनको मन थामिएन लायन्समा सक्रिय उनले पौष्टिक आहार, स्वास्थ्य सामाग्री बितरण थालिन् । तानसेन, माथागढी, बगनासकालीका आइसोलेसनमा पुगेर पौष्टिक आहार दिइन् । संक्रमित र बिरामीका लागि मास्क, सेनिटाइजर स्वास्थ्य सामाग्री बितरण थालिन् । लायन्सको सिलिण्डर भनेर् अभियानमा पनि उनी सक्रिय सहभागी भइन् ।
जिल्लामा कोरोना संक्रमण फैलिएको, अक्सिन अभाव भएको थाहा पाएका अमेरिकामा बस्ने पाल्पालीहरुको मन थामिएन । अक्सिजन कन्सन्ट्रेटर जुटाउने अभियानमा ९४ जना सहभागी भए । पाल्पाली संगम अमेरिकाका संयोजक महेश भट्टराईको संयोजकत्वमा चलेको अभियानमा १५ हजार ५०१ डलर (१५ लाख रुपैयाँ बढी) संकलन भयो ।
फ्लोरिडामा रहेका सविन कार्कीले पाल्पाका कोरोना संक्रमितका लागि गो फन्डमार्फत् २ हजार २९ अमेरिकी डलर संकलन गरे । रकम अक्सिमिटर खरिदका लागि खर्च गरिने पाल्पाली संगम काठमाडौका अध्यक्ष पदम न्यौपानेले बताए । २० अक्सिजन सिलिण्डर खरिदका लागि नुज इन्टरनेशनल काठमाडौंलाई ८ हजार ९ सय ४७ डलर भुक्तानी दिएको उनले बताए ।
२० अक्सिजन कन्सन्ट्रेटर स्वास्थ्य कार्यालयमा आएर सम्बन्धित स्थानीय तहका आइसोलेशन र अस्पतालमा पठाइएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए । बाँकी रकम अस्पतालहरुका लागि कार्डियक मनिटर तथा पाल्पाका सबै पालिकाको एम्बुलेन्सका लागि डिजिटल ब्लड प्रेसर मेशिन (गुल्कोमिटर) सहयोग गनेर् प्रक्रियामा रहेको छ । पाल्पाली संगमका अन्तराष्ट्रिय संयोजक सतिश चापागाईँले मनकारीहरुले सहयोग गरेकाले जिल्लाका लागि सानो भएपनि सहयोग गर्न सफल भएको बताए ।
कालीगण्डकी फाउन्डेसन, नेपाल रामपुरले भारतमा रहेका अन्तराष्ट्रिय वीपी चिन्तन प्रतिष्ठानका अध्यक्ष सन्दीप रानाको सहयोगमा पाँच स्थानीय तहसहित दुई अस्पताललाई कोभिड १९ विरुद्ध जुध्न स्वास्थ्य सामाग्री प्रदान गरेको छ । निस्दी, पूर्वखोला, रम्भा, माथागढी गाउँपालिकाका साथै रामपुर नगरपालिकासहित पाल्पा अस्पताल र रामपुर अस्पताललाई सहयोग गरेको फाउण्डेसनकी सचिव सीता डोटेलले बताइन् । उनका अनुसार पहिलो चरणमा ५ सय पिपिई सेट र ५ हजार मास्क वितरण गरिएको छ ।
माथागढी रुपन्देही सम्पर्क समाजबाट माथागढी गाउँपालिका लाई कोभिड १९ को रोकथाम र नियन्त्रणको लागि १० वटा अक्सिजन सिलिन्डर रिफिल गरिदिएको प्रमुख प्रशासकीय अधिकृत राजु नेपालले बताए । माथागढी गाउँपालिकाका लागि कोभिड १९ अस्पतालका लागि पाल्पा सिमेन्ट ईन्डस्ट्रिज प्रालिबाट ५ वटा अक्सिजन सिलिन्डर उपलब्ध गराएको गाउ“पालिका अध्यक्ष सन्तोषकुमार थापाले बताए ।
मनकारी मन भएकाहरुले मिसन अस्पताल, रैनादेवी छहरा कोभिड अस्पता र रामपुर अस्पतालमा भर्ना भएका कोरोना संक्रमित र तिनका कुरुवाहरुलाई खाना खाने व्यवस्था भएको छ । तानसेनको मिसन अस्पताल र रैनदेवी छहरा कोभिड अस्पतालमा सामाजिक स्रोत विकास केन्द्र नेपालले निःशुल्क खाना खुवाइरहेको कार्यकारी निदेर्शक चोपलाल गिरीले बताए । उनका अनुसार अस्पताल भित्रै रहेको क्यान्टिनबाट सबै विरामीहरुलाई एक दिनको चार सय सम्मको खाना खर्च सस्थाले तिरेर खाना खाने व्यवस्था मिलाएको हो । ‘कोरोना संक्रमितहरुलाई होटलवालाले पनि खाना खुवाउन डराउने र कुरुवाहरुहरु बाहिर खानाको व्यवस्था गर्न जाँदा कोरोना संक्रमण बढ्न सक्ने भएकोले खाना खुवाउने व्यवस्था मिलाएका हो,’ उनले भने । मिसन अस्पतालमा २० देखि २४ जनासम्म कोरोना संक्रमितहरु उनका कुरुवा हुने मिसन अस्पतालका कार्यकारी निदेर्शक डा.रचेल कारखले बताए ।
सामाजिक स्रोत केन्द्र नेपालले पाल्पाको मिसन अस्पताललाई पनि स्वास्थ्य सामाग्री सहयोग गरेको छ । ३ सय एन्टिजेट किट, मास्क, सेनिटाइजर, पिपिई सेट, अक्सिमिटर लगायतका सामाग्री सामाजिक स्रोत विकास केन्द्र नेपालका कार्यकारी निदेर्शक चोपलाल गिरीले मिसन अस्पतालका डाइरेक्टर डाक्टर रचेल कारख र व्यवस्थापक जीवन भट्टराईलाई हस्तान्तरण गरे । मिसन अस्पताल कोभिड वार्डमा भर्ना भएका कोभिडका बिरामी र उनका कुरुवाका लागि ६ लाख साथै रैनादेवी छहराकालागि ५ लाख बराबरको खाना खुवाउन सहयोग गरेको छ ।
रामपुरमा पनि कोरोना संक्रमित बिरामीका लागि होटल व्यवसायीले खाना खुवाउन नमानेपछि रामपुर युवा क्लबले बिहान साँझको खुवाउन थालेको अध्यक्ष छमबहादुर दरैले बताए । अस्पताल आसपासमा रहेका होटल व्यवसायीले आफुहरुमा पनि संक्रमण सनेर् डरले खाना खुवाउन अस्वीकार गरेको बिरामीका आफन्तले बताएपछि खाना खुवाउन सुरु गरेको बताए । बगनासकाली गाउँपालिका–५ दर्लमडा“डाका वडासदस्य टोप बहादुर न्यौपानेले आफ्नो नीजि गाडीमा आफै चलाएर कोरोना संक्रमितलाई बोक्दै आएका छन् । गाउँमा कोरोना संक्रमितहरुले भनेको समयमा एम्बुलेन्स र अन्य सवारी नपाएर दुख पाएको देखेपछि उनले आफ्नै गाडीमा संक्रमितलाई ल्याउन लैजान थालेका हुन् । पाल्पा उद्योग वाणिज्य संघका उपाध्यक्ष यादवसिंह कार्कीले पनि नीजि सवारी साधनमा कोरोना संक्रमित र शव बोकेर सहयोग गरेका छन् । उनले ७० जना भन्दा बढी कोरोना संक्रमितलाई अस्पताल र उनका घर लगेका छन् । ६ जनाको शव पनि राम्दी र रिडी लगेको कार्कीले बताए ।
कालीगण्डकी फाउण्डेशन नेपालले कोभिडमा एम्बुलेन्स परिचालन गरेर निःशुल्क एम्बुलेन्स सञ्चालन गरेको समितिका संयोजक जीवन तिवारीले बताए । फाउण्डेशनले रामपुरका लागि ५० खाली सिलिन्डर संकलन गरेर अक्सिजन रिफिल गरेर सहयोग गनेर् जनाएको छ । सस्थाका सल्लाहकार सन्दीप रानाले पाल्पा कांग्रेसमार्फत् ५० अक्सिजन सिलिण्डर भरेर सहयोग गरेका छन् । रामपुर जन्मभूमी भएर जापानमा कार्यरत युवाहरुले रामपुर अस्पताललाई स्वास्थ्य सामग्री उपलब्ध गराएको छ । स्वास्थ्यकर्मीहरुलाई सुरक्षित बनाएर उच्च मनोबलका स्वास्थ्य सेवामा लाग्न अभिप्रेरित सम्पर्क मञ्चले पुनः प्रयोग गर्न मिल्ने १० सेट पिपिई, नेबुलाईजर मेसिन १० थान, नेबुलाईजर किट ३० वटा, ३० लिछर सेनिटाईजर, सर्जिकल माक्स ३० बक्स, ग्लोब्स ७ बक्स र केएन ९५ माक्स २० वटा हस्तान्तरण गरेको हो ।
लायन्स क्लब अफ रामपुरले रामपुर क्षेत्रमा रहेका ग्रिल उद्योगका साथै विभिन्न क्षेत्रबाट संकलन गरेको २० वटा सिलिण्डर रामपुर नगरपालिकालाई हस्तान्तरण गरेको अध्यक्ष भोजेन्द्र प्रकाश ढकालले बताए । सेवा नेपाल रामपुरले प्रहरीलाई पिपिई सेट, सेनिटाइजर, मास्क सहयोग गरेको छ । निस्दी गाउ“पालिकालाई होङ्सी शिवम् सिमेन्ट उद्योग नवलपुर सर्दीले ५ अक्सिजन सिलिण्डर, बेड १३, पल्स अक्सिमिटर १३ वटा सहयोग गरेको गाउँपालिका अध्यक्ष मुक्त बहादुर सारुले बताए ।
रोटरी क्लब रामपुरले रामपुर अस्पताल, रामपुरका प्रहरी, सञ्चारकर्मीीलाई मास्क, सेनिटाइजर सहयोग गरेको छ । जिल्लामा क्रियाशील लायन्स क्लव र एनआरएन कंङगोको तर्फबाट पाल्पा र रामपुर अस्पताल सहित दश स्थानीय तह लाई रिफिलिङ अक्सिजन सिलिन्डर सहयोग गरेको छ । विभिन्न क्षेत्रबाट संकलन भएका खाली अक्सिजनका सिलिन्डरहरु मध्ये पाल्पा अस्पताललाई १ सय ७ वटा, तानसेन नगरपालिका लाई ५० वटा, मिशन अस्पताल र लुम्बिनी मेडिकल कलजलाई ३०/३० वटा र अन्य नगरपालिका तथा गाउँपालिकाका लागि १५/१५ वटा रिफिल अक्सिजन सिलिन्डर सहयोग गरेको पाल्पा लायन्स क्लबका अध्यक्ष मोहनप्रसाद श्रेष्ठले जानकारी दिए ।
