पाल्पा । सिद्दार्थ राजमार्गको तिनाउ गाउँपालिका सिसुवामा खसेकाे पहिराे हटाएपछि एकतर्फी सवारी साधन संचालन भएकाे छ ।
तीन दिनदेखिकाे वर्षाले ढुंगासहितको पहिरो खसेर सडक अवरूद्द भएकाे थियाे । अवरुद्ध सडकका ढुंगाहरु पन्छाएर एकतर्फी रुपमा सडक सुचारु भएको सडक डिभिजनका सूचना अधिकारी शिवु खत्रीले बताए । तिनाउ गाउँपालिका वडा नं.३ को सिसुवा नजिकै खसेको पहिरो पन्छाएर एकतर्फी रुपमा सडक सुचारु गरिएको हाे ।
ढुंगासहितको पहिरो खसेका कारण प्रहरी र सडक डिभिजन कार्यालय पाल्पाको स्काभेटरको सहायतामा एकतर्फी रुपमा सडक सुचारु गरिएको दाेभान प्रहरी चाैकीले जनाएकाे छ । थप ढुंगा अाइतबार मात्र हटाएर दुईतर्फी रुपमा सडक सुचारु हुने छ ।
