पाल्पा,रम्भा गाउँपालिका ३ पिपलडाँडामा टेक्टर दुर्घटना हुदाँ एक जनाको मृत्यु भएको छ ।
कालीगण्डकी करिडोर जिरो किलोमिटरबाट पिपलडाँडा तर्फ ढुङ्गा लिएर जादै गरेको लु ३ त ६८९९ नंं को टेक्टर दुर्घटना हुदाँ बगनासकाली गाउँपालिका वडा नं. ६ बस्ने २२ वर्षका जीवन न्यौपानेको घटनास्थलमै मृत्यू भएको जिल्ला प्रहरी कार्याल पाल्पाले जनाएको छ ।
दुर्घटनामा रम्भा गाउँपालिका ३ का ४० वर्षिय हरी बस्याल घाईते भएका छन् । घाईतेलाई उपचारको लागि लुम्बिनी मेडिकल कलेज प्रभासमा लगिएको छ ।
घाईते बस्यालको अवस्था सामान्य रहेको प्रहरी कार्यालयका सूचना अधिकारी लक्ष्मण पचभैयाले बताए । ट्याक्टर सडक देखी करिव १०० मिटर तल खसेको छ । टेक्टर चालकको खोजतलास कार्य जारी रहेको र दुर्घटना सम्बन्धी थप अनुसन्धान भैरहेको प्रहरी कार्यलयले जनाएको छ
