पाल्पा । नेत्रविक्रम चन्द नेतृत्वको नेकपा पाल्पा जिल्ला इन्चार्ज ४१ वर्षीय पूर्णबहादुर सिंहलाई रूपन्देहीबाट प्रहरीले पक्राउ गरेको छ । बिहीबार बिहान बुटवल उपमहानगरपालिका ७, दीपनगरबाट सिंह र पाल्पा जिल्ला सदस्य मीनबहादुर आले पक्राउ परेका हुन् ।
ईलाका प्रहरी कार्यालय बुटवलका अनुसार उनीहरुको साथबाट विभिन्न पुस्तक, सदस्यता नवीकरण पत्र र सिमसहित एक थान मोबाइलसमेत जफत गरिएको छ ।
