पाल्पा, पाल्पामा थप एक जना काेराेना संक्रमितकाे मृत्यु भएकाे छ । शनिबार बिहान एक जना कोरोना संक्रमित पुरुषको निधन भएको हाे ।
तानसेनस्थित मिसन अस्पताल, भुषालडाँडामा उपचारका क्रममा तानसेन नगरपालिका–१, गैरागाउँका ५७ वर्षीय पुरुषको मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए ।
मृतक पुरुषको नाै दिनअघि कोरोना पोजेटिभ देखिएको थियो । पाल्पामा कोरोना संक्रमणबाट मृत्यु हुनेको संख्या आठ पुगेको स्वास्थ्य कार्यालय पाल्पाले जनाएको छ ।
