पाल्पा, पुस २४ । पाल्पाको पूर्वखोला गाउँपालिका २ जल्पाको साकिनेमा आगोलागीबाट एक घर र गोठ जलेर नष्ट भएको छ । आज दिउँसो रुद्रबहादुर दर्लामीको गोठबाट लागेको आगोले घर र गोठ दुबै जलेर नष्ट भएको पूर्वखोला गाउँपालिका २ जल्पाका वडा अध्यक्ष निर बहादुर सारुले जानकारी दिनुभयो । आगोलागीबाट मानवीय क्षती नभएपनि १ वटा भैसी, १ पाडा मरेका छन् । घरमा रहेको लत्ता, कपडा, जुत्ता, जप्पल, आवश्यक कागजातहरु जलेर नष्ट भएको स्थीयले बताएका छन् । झण्डै २ घण्टा पछि स्थानीयले आगो नियन्त्रणमा लिएका थिए । आगोलागीबाट भएको क्षतीको विवरण आउन बाँकी रहेको सारुले जानकारी दिनुभयो । आगोलागी कसरी भयो भन्ने अझै खुलेको छैन । आगो नियन्त्रणमा लिएपछि अनुसन्धानका लागि स्थानीयले पूर्वखोला प्रहरीलाई खबर गरेका छन् ।
