पाल्पा, पुस २३, पाल्पाको रामपुर नगरपालिका–४ का ५५ वर्षीय भलबहादुर कुमालको धारिलो हतियार प्रयोगगरी हत्या भएको छ । आइतबार राती सामान्य झगडा हुँदा छिमेकी ४० वर्षीय मनोज थापाले कुमालको हत्या गरेको जिल्ला प्रहरी कार्यालय पाल्पाका प्रहरी उपरिक्षक विश्वमणि पोखरेलले जानकारी दिनुभयो । उहाँका अनुसार आइतबार राति करिब ८ बजेको समयमा दुई जनाबीच झगडा हुँदा थापाले हसिया प्रयोग गरेर हत्या गरेको प्रारम्भिक अनुसन्धानमा खुलेको छ । अभियुक्त थापालाई आइतबार राति नै पक्राउ गरी घटनाबारे थप अनुसन्धान भइरहेको प्रहरीले जनाएको छ ।