पाल्पा (करुवा)। रम्भा गाउँपालिकाको बजेट शिक्षा र स्वास्थ्य लक्षित रहेको छ । गाउँपालिका अध्यक्ष विष्णुप्रसाद भण्डारीका अनुसार झण्डै दुई/दुई करोड बजेट शिक्षा र स्वास्थ्यका क्षेत्रमा पुँजीगत खर्च हुनेछ । रम्भा गाउँपालिकाले असार १० गते नवौ गाउँसभामा पेश गरेको नीति तथा कार्यक्रम, बजेट सार्वजनिक कार्यक्रममा बजेट प्राथमिकता शिक्षा र स्वास्थ्यमा भएको अध्यक्ष भण्डारीले बताए । कार्यक्रमममा गाउँपालिकाका अध्यक्ष विष्णु प्रसाद भण्डारीले शिक्षा, कृषि र स्वास्थ्य क्षेत्रलाई यसपटक प्राथमिकतामा राखेर बजेट बनाइएको जानकराी गराए । रम्भा गाउँपालिकाले आगामी आर्थिक वर्ष २०७८।०७९ को बजेट नीति तथा कार्यक्रम मार्फत् ४६ करोड ८७ लाख बराबरको बजेट प्रस्तुत गरेको उनले बताए । नवौं गाउँसभामा गाउँपालिकाका उपाध्यक्ष राधा कुमारी श्रेष्ठले नीति तथा कार्यक्रम प्रस्तुत गरेकी थिइन् । उनले कोरोना महामारीको बिचमा पनि गाउँपालिकाले योजनाहरू सञ्चालन गर्न गाउँपालिकाका कर्मचारीले अहोरात्र मेहनत गरेकाले नै सफल भएको बताइन् ।
यस्ता छन् मुख्य–मुख्य खर्च
पाल्पा, रम्भा गाउँपालिकाले आर्थिक वर्ष २०७८/७९ का लागि ४६ करोड ८७ लाख बराबरको बजेट प्रस्तुत गरेको छ । गाउँपालिकाले चालु खर्चतर्फ वित्तीय समानीकरणबाट ३ करोड ७९ लाख १० हजार विनियोजन गरेको छ । गाउँपालिकाको तलब शीर्षकमा ८० लाख छ भने महंगी भत्तामा ६० लाख ५० हजार रहेको छ । चालुखर्चतर्फ गाउँपालिकाको सवारी साधन र इन्धनतर्फ गरी १४ लाख खर्च छुट्याइएको छ । पुँजीगत खर्चमध्ये शिक्षातर्फ १ करोड ९८ लाख एक हजार, स्वास्थ्यतर्फ १ करोड ६० लाख २५ हजार विनियोजन गरेको छ । लक्षित कार्यक्रम बालबालिका, महिला लक्षित, युवा लक्षित, दलित, अपांगता भएकातर्फ, आदिवासी जनजातिसमेत ९२ लाख ५० हजार विनियोजन गरेको छ । विविध खर्चतर्फ भने ९१ लाख ५० हजार रहेको छ । पुँजीगत खर्चतर्फ ५ करोड ५२ लाख रहेको छ । भौतिक पूर्वाधारतर्फ १ करोड १५ लाख, खानेपानीतर्फ ३४ लाख, भवन निर्माणका योजनामा १ करोड ६० लाख ५० हजार रहेको छ । सिँचाइका योजनाहरुमा ६५ लाख, समपुरक कोषतर्फ १ करोड ९२ लाख रहेको छ । विशेष अनुदान अन्तर्गत प्रदेशबाट मुख्यमन्त्री ग्रामीण विकास तथा रोजगार कार्यक्रमको ६० लाख रहेको छ । गाउँपालिकाका हुँगी, फोक्सिङकोट, पिपलडाँडा, हुमीन, ताँहुका लागि ५०/५० लाखका योजना तय गरेर बजेट विनियोजन
गरेको छ ।
कार्यक्रममा आगामी आर्थिक वर्षको बजेटमा बेरोजगारी अवस्थामा रहेका युवालाई कृषि र पशुपालनमा आर्कषित गराउने, आत्मनिर्भर र स्वावलम्बि बनाउने योजना रहेको गाउँपालिकाका प्रवक्ता कृष्ण प्रसाद रेग्मीले बताए । व्यवसायिक किसानलाई ऋण तथा अनुदानको व्यवस्था, संस्थागत सुत्केरीलाई प्रोत्साहन, कोभिड नियन्त्रणलाई प्रभावकारी व्यवस्थापन तथा तयारी, प्राविधिक शिक्षाको विस्तार, सूचना प्रविधि र इन्टरनेटको पहुँच विस्तार, कम्प्यूटर शिक्षा, अंग्रेजी शिक्षा लाई संचालन गनेर् नीति राम्रो रहेको नेकपा एमालेका प्रतिनिधि चेतबहादुर सुनारीले बताए । विगतका कार्यक्रमलाई निरन्तरता दिने भन्दा पनि नयाँ योजना ल्याउनुपनेर् र जनताको आवश्यकता पूरा गनेर्तर्फ गाउँपालिकाको सोँच बन्नुपनेर् कांँग्रेसका रम्भा सभापति अशोक फालले बताए ।
सडक संजाल बाँकी रहेको स्थानमा सडकको पहुँच वृद्धि भएका सडकको स्तरउन्नती गनेर्, सहकारीको माध्यमबाट रोजगारी र कृषि विकास, पर्यटन प्रर्वद्धनको लागि गुरुयोजना निर्माण पर्यटकीय क्षेत्रको पहिचान गनेर् नीति राम्रो रहेको नेपाल पत्रकार महासंघ पाल्पा शाखा अध्यक्ष रेखीराम रानाले बताए । खानेपानी तथा सरसफाईको क्षेत्रमा एक घर एक धाराको नीतिलाई अवलम्बन गदैर् स्वच्छता खानेपानी व्यवस्थापन, सरसफाईको क्षेत्रमा काम गनेर्, उत्पादकत्व बढाउँन सिंचाईको व्यवस्था, काठका पोलहरुको विस्थापन गरी फालमको पोल राख्ने, पूर्वाधार विकासमा भवन निर्माणहरु लगायतको कामरु गनेर् योजना राम्रो रहेको छ । नवौ गाउँसभाले लिएको नीति तथा कार्यक्रम र बजेट भनेको विगतमा भएका कामको समिक्षा हुनुपनेर् नेपाल पत्रकार महासंघका पाल्पा शाखा पूर्वअध्यक्ष राजेश कुमार अर्यालले बताए ।
कार्यक्रममा शिक्षक महासंघ रम्भाका अध्यक्ष धनबहादुर पौडेल, कृष्ण मावि झेस्काङका विद्यालय व्यवस्थापन समितिका अध्यक्ष तुलसीराम राना, सम्मानित शिक्षक प्रतिनिधि रम्भा माविका प्रधानाध्यापक तुलसीराम अर्याल, बाल सञ्जाल रम्भाकी अध्यक्ष सुष्मा सूर्यवंशी लगायतले रम्भा गाउँपालिकाले सुरु गरेका कार्यक्रम सफल बनाउन सबैको सहयोग जरुरी रहेको बताए । कार्यक्रममा रम्भा गाउँपालिका को त्रिवर्षीय शैक्षिक योजना सार्वजनिकीकरण गरिएको थियो भने शिक्षा शाखाले प्रतिवेदन बुझाएको थियो ।
सोही कार्यक्रममा उत्कृष्ट कृषक, शिक्षक, विद्यालय, विद्यार्थीलाई सम्मान गरेको छ । गाउँपालिका ले पाँचवटै वडाका १५ जना कृषकलाई सम्मान गरेको छ । यसरी सम्मानित हुने कृषकहरु अमृत पछाई, ताराप्रसाद अर्याल, कुलबहादुर गाहा, जीतबहादुर गाहा, प्रिया चितौरे, चक्रबहादुर सूर्यवंशी, मोहनसिंह आले, श्रीमान् मश्राङगी रहेका छन् । त्यसैगरी कमल खत्री, दुर्गबहादुर झेडी, विन्दु अधिकारी, हुमी कुमारी पाँडे, सहविर पौडेल, यमकला खनाल, प्रदीप बराल रहेका छन् । उनीहरुलाई नगद १५ हजार र प्रमाणपत्र गाउँपालिका का अध्यक्ष विष्णुप्रसाद भण्डारी, उपाध्यक्ष राधाकुमारी श्रेष्ठ, प्रमुख प्रशासकीय अधिकृत कृष्णप्रसाद ढकालले प्रदान गरेका छन् ।
कक्षा ८ को परीक्षामा चार जिपिए ल्याउने विद्यार्थीहरु चिरञ्जीवी माझी, कमल झेडी, नुरबहादुर झेरी प्रमिश विक, कविता बारघरेलाई नगद १० हजारसहित सम्मानपत्रले पुरस्कृत गरिएको छ । नमुना विद्यालयहरु जनकल्याण मावि हुँगी, सानाहुँगी मावि फोक्सिङकोट, कृष्णमावि झेस्काङ पिपलडाँडा, जनहित भगवती मावि हुमीन, प्राकृतिक आधारभूत विद्यालय फुरुङ्दीलाई पनि नगद र प्रमाणपत्रले सम्मान गरिएको छ ।
यस्तै शैक्षिक विकासमा योगदान गनेर्हरु तुल्सीराम अर्याल, रामप्रसाद खनाल, छन्दप्रसाद बस्याल, बाल विकास सहजकर्ता हुमा सारु, स्रोत व्यक्ति काशीराम बस्याललाई पनि नगद र सम्मानपत्रले सम्मानित गरिएको छ । गाउँपालिकाले चार वर्षदेखि गाउँपालिकामा कार्यरत रहेका प्रमुख प्रशासकीय अधिकृत कृष्ण प्रसाद ढकाललाई पनि नगदसहित सम्मानपत्रले विशेष सम्मान गरेको छ ।
