Tuesday, September 27, 2022
Homeसमाचारएमाले पाल्पाको प्रशिक्षण भदौ २८ गते हुने

एमाले पाल्पाको प्रशिक्षण भदौ २८ गते हुने

मिलन विश्वकर्मा

नेकपा एमाले पाल्पाले यही साउन २८ गते शनिवार जिल्ला स्तरिय प्रशिक्षण कार्यक्रम आयोजना गर्ने भएको छ । पदाधिकारी तथा नेताहरूकाे विशेष उपस्थितिमा मंगलबार बसेको बैठकले प्रशिक्षण कार्यक्रम आयोजना गर्ने निर्णय गरेको हो ।

तानसेन नगरपालिकाको सभाहलमा हुने प्रशिक्षण कार्यक्रममा प्रदेश कमिटी सदस्यहरू, प्रदेश सल्लाहकार परिषद्, केन्द्रीय विभाग, प्रदेश विभाग, जिल्ला कमिटीका सदस्य, जिल्ला सल्लाहकार परिषद र जिल्ला विभाग सदस्यहरू सहभागी हुने छन्। यस्तै पालिका कमिटीका पदाधिकारी, जनवर्गीय संगठनका पदाधिकारी, वडा कमिटीका अध्यक्षहरू, निर्वाचित पालिका अध्यक्ष, उपाध्यक्ष र वडा अध्यक्ष, सम्पर्क मञ्चका पदाधिकारीहरू सहभागी हुन पाउने एमाले पाल्पाका अध्यक्ष धनेन्द्रराज घिमिरेले जानकारी दिए ।

नेकपा एमालेका केन्द्रीय सचिव गोकर्ण विष्ट र केन्द्रीय सचिव तथा लुम्बिनी प्रदेश इन्चार्ज छविलाल विश्वकर्माले प्रशिक्षण दिने उनले बताए । एमाले पाल्पाले पालिकास्तरिय प्रशिक्षण कार्यक्रम पनि आयोजना गर्ने भएको छ । प्रशिक्षणको आयोजना र व्यवस्थापन पालिका कमिटीले गर्ने छ । जसको तालिका समेत सार्वजनिक गरिएको छ । तानसेन नगरपालिकामा २०७९ भदौ १०, रामपुर नगरपालिकामा आगामी भदौ ६ गते, निस्दी गाउँपालिकामा भदौ ७, पूर्वखोलामा भदौ ८, रम्भामा भदौ ९, माथागढीमा भदौ १०, रैनादेवीछहरामा भदौ ४, तिनाउमा भदौ ६, रिव्दीकोटमा भदौ ७, बगनासकाली गाउँपालिकामा भदौ ११ गते प्रशक्षिणक कार्यक्रम हुने छ ।

यस्तै वडास्तरिय प्रशिक्षण तथा भेला यही भदौ १६ गते देखि २५ गतेसम्म सम्पन्न गर्ने निर्णय भएको अध्यक्ष घिमिरेले बताए । उनका अनुसार टोल प्रशिक्षण तथा भेला भदौ मसान्तसम्म सम्पन्न गर्ने बैठकले निर्णय गरेको छ । पार्टी केन्द्रको निर्णय बमोजिम यही भदौ १५ गते भित्र पार्टी सदस्यता अनिवार्य नवीकरण गर्नुपर्ने नेकपा एमाले पाल्पाका कार्यालय सचिव दीपक विश्वकर्माले बताए ।

जिल्ला अध्यक्ष धनेन्द्रराज घिमिरेको अध्यक्षतामा बसेको बैठकमा पदाधिकारी, एमाले पोलिटव्यूरो सदस्य एवं पाल्पा जिल्ला इन्चार्ज ठाकुर गैरे, उपलब्ध प्रदेश सदस्यले प्रशिक्षण कार्यक्रमलाई भव्य र प्रभावकारी बनाउन सवैले सहयाेग गर्नुपर्ने बताए ।

यो पनि पढौँ
FansLike
FollowersFollow
SubscribersSubscribe